Токтогул районунда, Бишкек-Ош унаа жолунун 265-чакырымында автокырсык катталды. Анын кесепетинен 7 жүргүнчүсү бар унаа Чычкан дарыясына түшүп кеткен. Бул тууралуу бүгүн, 21-ноябрда ӨКМнын басма сөз кызматынан билдиришти.

Маалым болгондой, автокырсыктын кесепетинен эч ким жаракат алган жок.

Тойота-Витс үлгүсүндөгү унааны 1986-жылы туулган И.Нарматов аттуу жаран башкарып баратып, ал Чычкан дарыясына түшүп кеткен. Куткаруучулар барганча 6 адам башка унаага отуруп кетип калышкан. Ал эми окуя болгон жерге келген куткаруучулар айдоочуну жана автоунааны суудан алып чыгышкан. Айдоочунун абалы жакшы, ал эч кандай жаракат алган эмес.

Булак: super.kg