Анын айтымында, кадрдык саясатка антиккорупциялык механизмдерди киргизүү керек. «Алардын ичинде кадрдык ротацияларды жүргүзүү, коррупциянын пайда болуу тобокелчилиги чоң болгон тилкелерди изилдөө, жарандар тарабынан түшкөн дооматтарды анализдөө зарыл. Ошондой эле өзүн жаман атты кылган кызмат адамдардын кайрадан жетекчилик кызматтарга дайындалбоосу үчүн, коррупциялык укук бузуулардан улам жетекчилик кызматтан бошотулгандардын маалыматтар базасын түзүү керек», – деди Саякбаев.