Түмөнбаевди дайындоо тууралуу буйрукка бүгүн кол коюлду.

Мамагенттиктин директору Кадырбек Эргешов өз сөзүндө белгилегендей, бүгүнкү күндө жетекчилик спортту башкарууга жаш адистерди тартууга аракет кылууда.

«Биз жаш толуктоолорго мүмкүндүк беришибиз керек, анын арасында Руслан Түмөнбаевге дагы», – деди директор.

Мурдараак бул орунду Талант Беккулов ээлеп келген.

Маалымкат:

Түмөнбаев Руслан Самаганович 1986-жылдын 28-майында туулган. Эки жогорку билимге ээ. Ж.Баласагын атындагы КУУнун экономика факультетин «Финансы жана кредит» адистиги боюнча бүтүргөн, ошондой эле Кыргыз мамлекеттик дене тарбия академиясын окутуучу-машыктыруучу кесиби боюнча аяктаган.

Спорттогу жетишкендиктери:

– Пекиндеги Олимпиада оюндарынын грек-рим күрөшү боюнча коло байге ээси (2008)

– Азиянын грек-рим күрөшү боюнча чемпиону (2008)

2011-2012-жылдары Бишкектин Свердлов районунун Ратбек Санатбаев атындагы Олимпиадалык резервдеги балдар-өспүрүмдөрдүн адистештирилген мектебинде машыктыруучу болуп иштеген.

Түмөнбаев оңдон экинчи