2014-жылы Нарын облусунун аймагында Өзгөчө кырдаалдар министрлигинин Авариялык калыбына келтирүү жана капиталдык курулуштар планынын   негизинде  3 обьектиде  жумуш аткарылды. Алар төмөнкүлөр:

Ак-Талаа районунун Баетов айылында  ачык жана жабык типтеги   дренаждар курулуп, эксплуатацияга берилди. Курулуш иштеринин 2-этабы быйыл улантылат.

Кочкор районунун Кош-Дөбө айыл аймагындагы Кара-Күнгөй айылында жайгашкан Суткалык жөнгө салуучу бассейндин (БСР) түбүнө (чаша) толуп калган топурак толугу менен 34000  м³ ташылып чыгарылып, БСРдин ичи тазаланды. Ошондой эле дамбаны жана суу чыгуучу каналды калыбына келтирүү, дренаж куруу иштери  аткарылып, обьект толугу менен бүткөрүлуп эксплуатацияга берилди.

Ат-Башы районунун Ат-Башы айылындагы коллектордук дренаждык тармак (сеть) (КДС) куруу иштери улантылып,  Сатыбеков көчөсүнөн 847 метр жабык типтеги КДС курулуп, эксплуатацияга берилди. Курулуш иштеринин 2-этабы быйыл улантылат.

Жыйынтыгында,  Нарын облусунун Ак-Талаа районунун Баетов айылындагы 306 турак жай жана 4 соц.обекттер, Кочкор районунун Кара-Күңгөй айылындагы 1 суу сактагыч, 50 турак жай, 14 гектар айдоо аянты, ошондой эле Ат-Башы районунун Ат-Башы айылындагы 200 турак-жай, 3 соц.обьекттер жана 3 км ички унаа жол кырсыктардан корголду.

КРнын ӨКМнин басма сөз кызматы