Бишкекте №2 шаардык кургак учукка каршы балдар ооруканасынын аймагынан 4 жаштагы кыз жоголду
Бишкекте өткөн жекшемби күнү №2 шаардык кургак учукка каршы балдар ооруканасынын бейтабы Галия Орозова жоголгондугун 7-январда Бишкектеги саламаттыкты сактоо Департаментинен маалымдашты.
Анын маалыматы боюнча, кичинекей кыз саат 17:30 менен 18:00 ортосунда дарылоо мекемесинин аймагынан жоголгон. Ал 26-декабрдан бери дарыланууда болгон.
«Аталган факт боюнча арыз Ленин РИИБне түшкөн. 2015-жылдын 5-январында саат 15:30да РИИБдин иликтөө тобуна кыз өзүнүн чоң энесинен табылгандыгы жөнүндө туура эмес маалымат келип түшкөн. Бирок азыркы учурга чейин кыздын жүргөн жери белгисиз бойдон калууда», – деп жазылат маалыматта.
Ленин РИИБи, Бишкек шаардык саламаттыкты сактоо Департаменти менен биргеликте издөө иш-чараларын улантууда.
Leave a Reply