2015-жылдын 6-февралында Кыргыз Республикасынын Президенти Алмазбек Атамбаев кол койгон буйрукка ылайык, Көз карандысыз Мамлекеттер Шериктештигинин мамлекет башчыларынын кеңешинин жана Түрк тилдүү мамлекеттердин кызматташтык кеңешинин мамлекет башчыларынын кеңешинин кезектеги жыйындарына өз учурунда даярдык көрүүнү жана 2016-жылы Кыргыз Республикасында ийгиликтүү өткөрүүнү, ошондой эле чет мамлекеттердин башчыларын жана расмий делегацияларды кабыл алууну камсыз кылуу максатында уюштуруу комитети түзүлдү.

Мамлекет башчысынын буйругуна ылайык, Кыргыз Республикасынын биринчи вице-премьер-министри уюштуруу комитетин жетектейт.

Уюштуруу комитетине тиешелүү иш-чаралар планын 2015-жылдын 1-мартына чейин иштеп чыгуу жана бекитүү милдети жүктөлдү.