Бишкектик «Алга» футбол боюнча Литвадагы өспүрүмдөрдүн эл аралык Ateitis cup-2014 турниринин акрыкы матчында испаниялык «Барселонага» жол бошотту. Бул тууралуу турнирдин расмйи сайты билдирди.Беттеш 28-ноябрда В тайпасынын топтук этабынын 3-айлампасынын алкагында болду. Испаниялык клуб 3:0 эсебинде жеңишке жетишип, тайпадагы биринчи орунга жазылды.

Буга катарлаш матчта Минсктин «Динамо» клубу орусиялык ФШМ-2ни жеңип (3:0), турнирдик таблицада алгачыларды ашып кетти.

Тайпалык раунддун жыйынтыгында «Барселона» 7 упай менен биринчи орунду, «Динамо» экинчи орунду (5 упай) ээлешти. «Алга» активинде 4 упай менен үчүнчүгө, ал эми ФШМ-2 «топтолгон упайлар» графасында нөлдүк эсеп менен акыркыга жазылды.

Эске салсак, турнирдин баштапкы матчында «Алга» ФШМ-2ни 3:1 менен уткан болсо, андан кийин «Динамо» менен 0:0 эсебинде тең чыккан.

Турнирдик таблица, В тайпасы

№	Команда	оюн	жеңиш	тең чыгуу	жеңилүү	гол	+/-	упай
1	«Барселона»	3	2	1	0	9-2	+7	7
2	«Динамо»	3	1	2	0	5-2	+3	5
3	«Алга»	3	1	1	1	3-4	-1	4
4	ФШМ-2	3	0	0	3	1-10	-9	0