биометр

3-декабрга карата Кыргызстан боюнча 698 миң 540 жаран биометрикалык маалыматтарын тапшырды. Бул боюнча Мамлекеттик каттоо кызматынын басма сөз кызматынан маалымдашты.

Жалпы улуттук өнөктүккө катышуу акыркы күндөрү кыйла жанданганы байкалууда.

Маселен, 1-декабрь күнү каттоодон 74 миң 102 адам өтүшсө, биометрикалык маалыматтарды жыйноо боюнча Ош шаары (30%) алдыда. Андан кийин Ош облусу (23%) жана Нарын облусу (23%) келатат.

Ушул тапта Орусияда жашап жана иштеп жаткан Кыргызстандын жарандары да биометрикалык маалыматтарды тапшырышууда. Маселен,  Урал жана Сибирь федералдык округдарынын аймагындагы кыргыз жарандары Екатеринбург шаарында жайгашкан  Кыргызстандын Генералдык консулдугуна келип, катталып жатышкандыгын бул дипломатиялык мекеменин атташеси Азатбек Береналиев билдиргендигин CA-News кабарлады.

Кошумчаласак, жалпы республика боюнча 16 жаштан жогорку курактагы 3 млн. 884 миң 270 жаран биометрикалык каттоодон өтүүлөрү керек.

Катар

№

 Облус/шаар 16 жаштан жогорку курактагы жарандардын саны 3-декабрга карата тапшыргандардын

саны(бир күндүн статистикасы)

 Өнөктүк башталгандан бери

тапшыргандардын саны

 Тапшыргандардын

жыйынтыгы

% менен
Бишкек 670335 5 207 84 641 12,63
Ош 170224 4 226 51 475 30,24
Ош облусу 774572 13 905 182 089 23,51
Нарын облусу 185617 3 952 43 166 23,26
Чүй облусу 581030 9 628 103 339 17,79
Ысык-Көл облусу 316 620 5 159 48 927 15,45
Баткен облусу 314 989 5 652 61 950 19,67
Талас облусу 155200 2 929 30 104 19,40
Жалал-Абад облусу 715683 8 907 92 849 12,97
    3884 270 59 565 698 540 17,98

Атай АЛТЫМЫШЕВ