Кыргызстандын 2014-жылдагы көк-бөрү боюнча чемпионатынын коло байгесин «Бөрүлү» командасы жеңди. Бул тууралуу Sport АКИpress’ке КРнын көк-бөрү боюнча федерациясынын жетекчисинин милдетин аткаруучу Нурбек Асанбаев билдирди.Кечээ, 20-ноябрда Бишкек шаардык «Ак-Кула» ат майданында «Суусамыр» жана «Бөрүлү» командаларынын ортосунда таймаш болуп өттү. Оюн «Суусамыр» командасынын 7:0 эсебиндеги жеңиши менен аяктады.

Азыркы чемпионатка 3 гана команда катышууда. Алар бири бири менен бирден айлампа ойношот. «Бөрүлү» командасы акыркы үчүнчү орунду ээлөө менен коло байгени ээледи.

Бир күн мурда «Бөрүлү» командасы «Талас» командасына 13:0 эсебинде утулган.

Көк-бөрү боюнча өлкө чемпиону наамына бүгүн, 21-ноябрда «Талас» жана «Суусамыр» командалары күч сынашат.

Оюндардын жыйынтыктары:

19-ноябрь

«Талас» – «Бөрүлү» – 13:0

20-ноябрь

«Суусамыр» – «Бөрүлү» – 7:0

21-ноябрь

12:00 «Суусамыр» – «Талас»

Турнирдик таблица

№	Команда	оюн	жеңиш	тең чыгуу	жеңилүү	улак	упай
1	«Талас»	1	1	0	0	13-0	3
2	«Суусамыр»	1	1	0	0	7-0	3
3	«Бөрүлү»	2	0	0	2	0-20	0