Талас облусунун Бакай-Ата районунун тургундары Сагынбек Момбеков жубайы Бегайым менен комуздун күүсүндө бадыраңдарды күнөсканада өстүрүшөт, бул тууралуу аймактык кабарчы билдирди.Айнын айтымына караганда, Момбековдун үй-бүлөсү күнүнө 5-6 килодон бадыраң жыйнап алат. Кээде күнөскананын ичинде Момбеков комузда күү ойноп турат.  «Бардык өсүмдүктөр музыканы сүйөт. Ошондой эле түшүмдү көбүрөөк берет.  Өзүм болсо музыкант, ырчымын. Мен жубайым Бегайым экөөбүз мындан кийин да помидор өстүрө турган күнөскана ачалы деп пландап жатабыз», – деп кошумчалады С.Момбеков.