Дүйнөнүн 124 өлкөсүнөн барган улуттук сынактын жеңүүчүлөрүнүн ичинен Түштүк Африка Республикасынын өкүлү, 22 жаштагы Ролен Штраус «Дүйнө сулуусу-2014» аталып, таажыга ээ болду.

Иш-чаранын расмий сайтында маалымдалгандай, сынактагы тапшырмалардын жыйынтыгы менен 2-орунга Венгриянын өкүлү Эдина Кулшар, 3-орунга АКШнын өкүлү Элизабет Сафрит жазылды. Дүйнөлүк масштабдагы бул сынакка Кыргызстандын атын алып чыккан Айкөл Аликжанова байгелүү орундарга илинген жок.

Медицина факультетинин студенти Ролен Штрауска таажыны «Дүйнө сулуу-2013» наамынын ээси Меган Янг (Филиппин) тапшырды.