Кечээ, 14-январда КРнын саламаттыкты сактоо министри Талантбек Батыралиев Түркиянын «Систем Тып» өкүлчүлүгүнүн башкы директору менен жолугушту. Бул тууралуу министрликтин басма сөз кызматы билдирди.

Жолугушууда, мамлекеттик-жеке өнөктөштүктүн алкагында алар тараптан («Систем Тып») диагностикалык кызматтар үчүн жабдыктар: компьютердик томограф, маммограф, санариптик рентеген, ошондой эле УЗИ аппарат алынып келингени айтылды.

Андан тышкары, аталган уюм мамлекеттик-жеке өнөктөштүктүн алкагында өлкөнүн саламаттыкты сактоо системасына инвестиция кылууну улантары жана кийинки кадам лабораториялык жабдыкты алып келүү каралары белгилүү болду.

unnamed

Булак : Баракелде