Башкармалыктын маалыматы боюнча, ок атуучу курал, Кемин районун 58 жаштагы тургуну А.М.дин Бишкектеги Улан кичи районундагы сарайынан табылган. 7,62 калибрлүү 80 даана ок, 5,6 калибрлүү — 450 даана ок, «Сокол» дарысы (порох) — 3 банка. Түтүндүү дары — 1 куту, 16 калибрлүү ИЖ 58 куралы, 32 калирлүү курал, №3, №7, №8 дробь- 40 даана, бир чоң калибрлүү ок жана 5 жыгач кундак. Аталган куралдарга карата уруксат документтери болгон эмес.

Кармалган адам Октябрь РИИБдин тергөө бөлүмүнө жеткирилди.

Кармалган адамдын айтымында, ал аңчы ошондой эле аңчылык куралдарын оңдоп-түздөө менен алектенет. Алынган куралдар ага оңдоп-түздөө үчүн берилген. Азыркы учурда иштин бардык жагдайларын тактоо аракеттери жүрүп жатат.