Бишкек шаарындагы И.Раззаков атындагы Кыргыз мамлекеттик техникалык университетинде болгон өрттүн кесепетинен окуу жайдын музейи жана окуу бөлмөлөрү жараксыз абалга келди.

Бүгүн, 23-октябрда саат 04:10дөр чамасында өрт өчүрүү кызматына ЖОЖдун имараты күйүп жатканы тууралуу кабар түшкөн. Өрт чыккан жерге атайын техника менен чогуу 9 унаа жөнөтүлгөн. Өрт өчүрүүчүлөр саат 06:00дө өрттү толугу менен өчүрүүгө үлгүрүштү.

АКИpress агенттигине билдиришкендей, кечээ, 22-октябрда окуу жайдын имаратынын сол канатында музей кабинетин демонтаждоо жумуштары жүргүзүлгөн.

ӨКМдин маалымдашынча, өрттүн чыгуу себеби учурда такталууда.

Булак: Баракелде